Roberto y Elena, fundadors y alma de La Orquestina del Fabirol tenión un azidén cuan tornaba d’una autuazión que cuasi les costó a bida y los dixó prou eschafarnaus. Pero o suyo meyo de bida, a furgoneta y una parte d’os instrumentos s’han desfeto de tot, amás d’es meses que no podrán autuar. Roberto y Elena y La Orquestina del Fabirol en cuasi un cuarto de sieglo han troballau firme ta dignificar l’aragonés y a musica tradizional, no han aturau dando-nos tanto d’a suya bida ta que esta luenga tienga boz y mosica, y muita chen ha puisto aprender y amar l’aragonés grazias a ixe esfuerzo de tantos años, d’unas presonas entusiastas, embrecadas y bocazionals.

Ellos nos han dau muito a toz os que aimamos l’aragonés y a musica d’Aragón, agora ye l’inte de tornar-les sisquiera una miquina de tot lo que emos rezibiu, agora que han perdiu o suyo meyo de bida y tienen que cuasi tornar en empezipiar. S’ha ubierto una cuenta de solidaridá en IBERCAJA, ta que toz es que queriaz podiaz fer un ingreso que por chicot que sía, aduye entre toz a fer una aportazión que lo menos pueda contribuyir a recuperar os instrumentos que tanto nos han feito tremolar y bailar, y aduyar una miqueta a poder crompar un auto nuevo. A cuenta ye 2085 0175 95 03 303210-85 Queremos fer-les o millor regalo de nabidá: A SOLIDARIDÁ DE TODA A CHEN que apreziamos tot lo que han feito por l’aragonés y a musica. Replegaremos os fondos d’aquí ta Reyes ta fer-les ixe regalo.

Etiquetas: orquestina, musica, aragón, roberto, fabirol, elena

Etiquetas: aragón, televisión, aragones, fablans

Dende a PEA y Nogará han enzetau una campaña en a que demandan a colaborazión de toz. Cal grabar un mensache con o webcam (de nomás 15 segundos) en refirme de l'aragonés y dimpués nimbiar-ne a l'adreza  esfensadelaragones(arroba)gmail.com. Si no tiens Internet o web cam, tamién puez pasar-te o 18 de chinero por Nogará (19 oradas) o A Enrestida (21 oradas) ta grabar o tuyo mensache y fer una charradeta sobre l'aragonés.

Etiquetas: aragonés, campaña, esfensa

O conzello de Zaragoza ha tornau a dar un trango más en a suya postura ofizial sobre l'aragonés. Dimpués de sacar os restos d'as pocas parolas que a zaguera corporazión metió en a cartelería, ha dezidiu agora sacar tamién o refirme a "Amostranza" una feria sobre l'amostranza en cheneral y a cultura aragonesa en particular. Ta protestar contra ixo s'ha creyau una plataforma de protesta. Podez siñar un manifiesto aquí en o blog http://manifiestoferiadelamostranza.blogia.com/.

En o zaguer pleno d'o Conzello se'n charró. Dende o publico una presona de Nogará fazió leutura d'o manifiesto en aragonés ta refirmar a continuidat d'a Feria Amostranza. En iste bideo sentirez o manifiesto y sobre tot, beyerez as caras d'os nuestros politicos. Paraz cuenta en a charradeta final de l'alcalde Juan Alberto Belloch que a penar de tener una traduzión a la suya luenga d'o manifiesto dezidió aleuzionar a la chen sobre como cal adrezar-se a os politicos aragoneses. Podréis hablar "fabla", pero no os escucharemos.

Etiquetas: aragonés, zaragoza, amostranza

Etiquetas: facebook, aragonés, internet