Me nimbian iste correyo dende Benás:

Ola a tots, tos informo del programa del Día del patués d'enguán, que coma tots els ans organisa l'asosiasión Guayén:
Tots els actos se fan el 15 d'agosto al santuario.
19:00: Misa en patués
19:30: Presentasión del llibre "Los nombres y la tierra", de José A. Saura.
20:00: Presentasión del llibre "Quinquillaires y trotamons" de l'asosiasión Donisas (de donas de Bilanoba, Sos y Sesué).
20:30: Entrega del premio Guayén
21:30: Musica a cargo de la Banda-Ronda de la Ball

Toz os autos se fan en o Santuario de Guayén, dentre Saunc y Grist

Etiquetas: aragonés, patués, ribagorzano, benas, guayen

Me nimbian ista carta sobre o Diccionario Chistabín (de l'aragonés chistabín, s'entiende)

Quiestos amigos y amigas:

Como ya sabrez fa muitos años que lebamos fendo un troballo d’imbestigazión y replega sobre l’aragonés chistabín.

A la fin ha puisto biyer a luz o nuestro DICCIONARIO CHISTABÌN fruto d’o troballo de cuasi 18 años y d’a man d’a editorial GARA edizions.
O nuestro DICCIONARIO ye a más gran replega orichinal d’una bariedá biba de l’aragonés feita dica agora, con milenta de parolas, esprisions y rechistros que no s’eban decumentau dica agora.

O libro replega más de 16.500 rechistros de l’aragonés chistabín, con ixemplos d’emplego, sinónimos, sentius feguraus, segundas azeuzions, emplegos gramaticals, etc, amás d’ixo una ampla indroduzión sobre a situazión de l’aragonés y o chistabín en particular y una descrizión gramatical senzilla de l’aragonés chistabín.

Ya ya disponible en botigas, librerías y comerzios.

A presentazió, se farán en Chistén o diya 16 d’agosto, a las 20 oras en a casa o lugar, dimpués se fará un bino aragonés en o bar Casa Petris.

Nos fa goyo de fer-zos sabedors d’estes autos ta que podiaz asistir-ie y si no tos baga, que sepiaz que ya ye o nuestro DICCIONARIO en a carrera ta si nunca el querresez conseguir.


Fernando Blas Gabarda              Fernando Romanos Hernando

Etiquetas: aragonés, chistabín, diccionario, libros