Se muestran los artículos pertenecientes a Abril de 2007.
07/04/2007
Sonrisos en a nuei de Zaragoza
Ayer tornaba enta casa mía de nueis. No plebeba. Bi eba muita chen por as carreras, dica plegar ta o mio bico. Cuasi dengún. Ye cutiano. A la fin de Conde Aranda me trobé de fito a fito con una mesacha. Mos cruzemos i me fazió un sonriso. NOmás que ixo. No s'aturó, ni m'aturé. Cosa. Nomás un sonriso de complizidat en una estrania ora y en una carrera disierta, bueda. Me'n remeré allora de atra mesacha, ista con belo en Berlín. Plebeba en o mercau turco de Kreuzberg. Plebeba de firme. O batiaguas que lebabamos se crebó nomás ubrir-lo. Yera narancha. A chentada de carrez de compra, de cochez de ninón, de bezicletas, la ulor d'as espezias, de la canal, de la plebia. Tot yera achustándose'n ta que cada trango estase una deliziosa tortura. Allora fazié una groma. Arreguié. Arreguimos. Yo iba por debán y parixeba que arreguiba solo. A mesacha con belo me guelló. No replecó cosa. Pero tamién fazió un riso. Complizidat en un mundo que s'embolicaba dentre chislas de plebia y ruedetas metalicas. Dimpués abió una bratswurt con senabe. Y uns guellos negros baxo un belo azul que me feban sonrisos ora zaga ora.
Con os sonrisos plegué enta casa mía. Os bezins ascuitaban mosica. Estié dos menutos en o sofá y metié a tele. En o mio canal preferiu m'agafó una begada más una película. Feba años que no la beyeba. Feba años que no ascuitaba ista canta. Puestar dos sonrisos, una canzión y una copa de Gran Vos cuesten una nuei. O más que una nuei. O puntos d'inflecsion. Guei ye 7 d'abril. Como podeba estar atra data. Porque de begadas as oras se confabulan, y mientras teneba pelicula, belos y guellos en a capeza, podiemos, a trabiés d'un ozeano remerar biaches pasaus, de cuan encara feba ista canzión con a guitarra. Guei nomás rechiro dentre o día por uns guellos. Que no ye broma.
I have a dream of my own
And it's mine all mine alone
Its been my friend since I was just a girl
It has a life it has a heart
It has a soul and it's a part
Of everything this woman gives the world
And it's a big dream
Big enough to share
Like a rainbow, hanging in the air
And I thank God, for making it come true
Makes me think maybe God's a woman too
Makes me think maybe God's a woman too
There's a full moon tonight
And I'm bathing in its light
Naked as the day that I was born
There is no shame beneath this sky
I have kissed the past good bye
And mended up my broken heart so torn
With a sweet sound only I can make
And it gets stronger
With every breath I take
And it's all apart of making me feel new
Makes me think maybe God's a woman too
Makes me think maybe God's a woman too
....
Por zierto, que Estricalla s'ha adebantau a toz y ha meso pistas sobre an soi estau a zaguera semana. (En as fotos parixco prou más poliu), jeje.
....
Y ayer rezentaba en Purnas en castellán que lugo sentiremos a Pau Donés cantar "S'ha feito de nuei" y bi ha muixonez que me dizen que bels atros ya paran cosas tamién en aragonés ta os mass media. ;)
08/04/2007
Domingo de resurrezión (y de resaca d'o gol de Diego Milito). A fabada que fabla
Domingo de ternasco y ensalada. De clucada. De pensar y repensar sobre o gran, grandismo partido d'o Reyal Zaragoza ayer contra o Barcelona. De conbersas kilometricas. De mundos posibles y imposibles. De trastiar con google dica plegar enta "O notorio de l'aragonés " con una dentrada que leba un nombre conoxiu. Y trastiando con ixe notorio, beigo os anunzios de Fabada Litoral. Escuela de fabla rural. Y parolas en aragonés (Y bellas tamién en asturián, por que se i beye). Curiosa mena d'aprender "ixa fabla que no esiste" en as leis ni en os estatutos.
Aquí quedan ta uso y implaz de qui quiera. Por zierto, y ta no estar menos que ningún, yo tamién i soi en Twitter
09/04/2007
Isto leyié bel diya
Bi ha finestras domesticas
finestras de diya en diya
que fan saber que bi ha luz.
10/04/2007
Saber estar-ie y ser.
En a soziedat d'as meyas tintas y d'o politiqueo o que ye más fazil, a órmino, ye dizir o que os atros quieren sentir. Ye más fázil si no quiers tener problemas sozials, ye platero. Ye más defízil a ran interior. Ye más defízil a o ran d'a coderenzia propia. Ye más defízil estar una boz que resuena que una boz simpla que charra y charra. Se puede chilar nomás ta fer-se o protagonista o se puede fablar sin debantar a boz, no cal, y fer que as parolas queden tallatas en placas de marbre. Por ixo, en una soziedat tan correutamén fata en a suya ripresentazión esterior, sentir bozes que dizen seguntes que cosas, en seguntes que ambiéns, y seguntes de que forma, aduya a sentir-se una mica millor cada diya.
Iste zaguer cabo de semana emos bistos dos exemplos. Contestos complicaus ta dezir o que deziban, responsabilidat ta dezir-lo sin faltar a ningún, pero dixando platero o que cal dezir. Fuera d'o bullizio, fuera d'o rudio ambién. Tenemos a un autor ya mayor, que nunca no ha amagato o que deseyaba ta o suyo país, y que, con l'ambiesta posada en as eleuzions d'Escozia en breu, que bien podesen dar una pintacoda a la situgazión nazional d'Europa, ha fablato d'as suyas intinzions. Dize Sean Connery, "Tornaría a bibir-ie en una Escozia independién". Asinas que amigos escozeses que leyez as purnas, si querez que un buen pizco d'impuestos pasen a las buestras arcas nazionals, toz a botar a SNP. Free Scotland!. (Por zierto, ixo si que estaría un abiso ta atros nazionalismos, si mesmo lo Reino Chunito, no tan chunito, se creba). Una Escozia, que amás, tresbatió a suya independenzia o mesmo año que Aragón, en 1707.
Más amán en l'espazio, si por bella cosa s'ha feito sentir Victor Fernández, entrenador d'o Reyal Zaragoza, amás de por o buen chuego d'os suyos equipes, ye por dezir siempre as cosas tarcual las piensa. Puestar en una rueda de prensa ye más fázil, encara que siga sobre a Romareda, cuan dizió que "no se podeba chudizializar a politica". Puestar no ye tan fázil fer-ne en una telebisión publica española pensada dende y ta os "madrileños-madridistas" . Asinas que Víctor, redolato de madridistas en una telebisión que ye estatal y publica, dizió que: "Os problemas que tiengan o Madrid u lo Barcelona no son una cosaque m'intrese. A yo l'unico que me n'importa ye o que faiga o mio equipe". Con un par. Y la Champions aqui a o canto, encara con un campo biello.
Exemplos de estar en o mundo con una autitut correuta. Exemplos de que nomás cal pensar d'una forma y fer-lo bier, sino que cal fer-ne en todas as condizions y ocasions. De ser coderén con uno mesmo y de fer que os atros se faigan a pregunta: "Por qué yo cambeo siempre a mia forma de pensar depén de si charro con un o con atro?". Ixa ye a masima que guida muitas bidas. Publicas y no. De drento y fuera. Un mundo sin "doblez" ye un mundo millor. Pero encara ye luen.
11/04/2007
Mariano, o PP, o trescole, y o miniestatuto
Marianer ha dito que "respecto al agua, el PP sólo hará aquello que esté incluido en el Estatuto de Aragón" (lo mini, ye dizir). Si o PP, Zaplana, Camps, Valcárcel, Acebes, y o mesmo Rajoy, insiste en o trescole de l'Ebro ta España, y nomás farán o que "esté incluido en el (mini)estatuto"...A soluzión d'o silochismo ¿cuál ye?. En efeuto, que l'estatuto no nomás no impide un nuebo espolio en Aragón, sino que amás be de estar semiincluyito. Asinas que tota la palabreria de guei de l'Heraldo d'España sobre a reserba idrica, no ye más que ixo, palabrería. O Nabarreria.
Antimás güei, una begada más, o menistro de Esfensa español ha fablau a la instalazión d'una base d'a OTAN en o territorio colonial que encara conoxemos como Aragón. "De que si", ha dito. De que sigan enzerrinaus en que bienga ta Zaragoza. Tanto refirme fa pensar. Estando que no fan cosa por Aragón, tanta "porfía" y tanto conbenzimiento, fan medrana. Por bella cosa estará.
17/04/2007
Ta prenzipiar l'estiu. Gabilondo, os meyos y a "crispación"
Se remata l'astenia primaberal, parixe estar. Proyeutos como setas d'aguerro baxo d'as piedras. Zelebros que corren enta o caos. Esmos compartius y bibenzias sentitas. Remeros que en bienen de fa muito tiempo, pero que encara fan plorar. Bidas tresbatitas. Bidas ganadas. Un mundo nuebo en os corazons que abió de fuyir por as clamors y as tucas alteras. Ixa ye a istoria d'iste zaguer cabo de semana. Maitín o rezentaré tot. Güei, una reflesión sobre o país bezín. D'Iñaki Gabilondo, en Cuatro . No me resisto pas a meter-la porque poquetas begadas un periodista dizirá o que dizió ayer Gabilondo en prenzipiar o suyo informatiu. Yo soi o zagal d'o niki amariello. Y por cosas como ista, li pregunté a Iñaki fa tres años. Puestar n sabe fer un informatiu de telebisión, pero sí que sabe dizir o que cal. Eskerrik asko, Iñaki.
A cambeo, si querez beyer a bella presona sin de coderenzia, nomás cal que beigaz a José María Mur esfendiendon una fabla a no cofizializazión d'a mesma. Colonia, colonia.
29/04/2007
Ono contina capolando
Remato de debantar-me en domingo y encara ONO contina biedando l'azeso a os retes P2P. Parixe que agora la rispuesta dende o serbizio teunico ye que "ye cosa temporal", pero que no saben cuan rematará a bieda. Presonalmén aspero dica o fin d'o puen, y por custions laborals, dica o benién cabo de semana. En caso de que allora no siga permitiu fer serbir os P2P, me'n daré de baxa d'a compañía. Por qué? Porque en o contrato que tiengo, no he siñau que ONO pueda disposar de garra filtro de zensura. O siento por Cinematk, por MGM, por TV3 y ETB, pero si foi a baixa, la feré completa, de tot o pack.
Deziban una posible soluzión temporal, por zierto, l'autibazión en eMule d'o protocol d'ofuscazión. (Preferencias/Seguridad/Activar la Ofuscación de Protocolo) o l'emplego d'o puerto 3902 (que ye o que emplegan os p2p de telebisión). Con istas midas o que fas ye coneutarte a un serber y rezar ta que en aiga de chen con o protocolo autibato que ye a que te puede serbir archius. Usiga, dolén. Pero menos da un cantal, y si quiers rematar de baxar bella cosa prou popular ye una soluzión.
Continaremos informando
