Ramon Tejedor promete programazión en aragonés y catalán

Puestar que corran nuebos tiempos. No guaire perfeutos, ixo si, pero a lo menos si que millors que ixos d'agora. Ixo si femos caso d'as promesas. Primero estió o presidén d'Aragón, Marcelino Iglesias, que ba tornar a prometer a lei de luengas. Ista begada ta o primer año de lechislatura. En istos meses no se'n ha feito cosa, pero ye normal. Ye l'estiú, que nomás sirbe ta puyar os chornals d'os conzellers. Cal continar asperando una lei que nomás estará un parche.

Güe ha estau o nuebo Direutor d'a Corporación Aragonesa de Radio y Telebisión. Ha dito que ferá un segundo canal, en castellán, profés. Pero tamién que con l'aprebazión d'a lei de luengas, cal rebisar o modelo plurilingue aragonés y adedicar una chicota parti d'a programazión (de feito, una chicota parti semanal) a l'aragonés y a lo catalán que se'n charra en Aragón. Por si buelan as parolas, astí tos dixo lo bideo.