Mariano, o PP, o trescole, y o miniestatuto

Güei dezenas d'aragoneses, amás de zaragozans, bibirán emplius de l'esprito colonial. Biene a la capital d'o país sisquiá o presidén d'o Gobierno español, tampoco no o jefe de l'estau, encara que pinte cosa. Qui en biene ye o lider d'o primer partito d'a oposizión española. Y ziens d'españols que biben en Aragón l'aplaudirán as grazietas. Mesmo bels aragoneses colonizatos tamién. D'o que ha dito güei Mariano Rajoy, iste maitín en Zaragoza nomás boi a dizir una cosa. Ye un silochismo fazil.


Marianer ha dito que "respecto al agua, el PP sólo hará aquello que esté incluido en el Estatuto de Aragón" (lo mini, ye dizir). Si o PP, Zaplana, Camps, Valcárcel, Acebes, y o mesmo Rajoy, insiste en o trescole de l'Ebro ta España, y nomás farán o que "esté incluido en el (mini)estatuto"...A soluzión d'o silochismo ¿cuál ye?. En efeuto, que l'estatuto no nomás no impide un nuebo espolio en Aragón, sino que amás be de estar semiincluyito. Asinas que tota la palabreria de guei de l'Heraldo d'España sobre a reserba idrica, no ye más que ixo, palabrería. O Nabarreria.


Antimás güei, una begada más, o menistro de Esfensa español ha fablau a la instalazión d'una base d'a OTAN en o territorio colonial que encara conoxemos como Aragón. "De que si", ha dito. De que sigan enzerrinaus en que bienga ta Zaragoza. Tanto refirme fa pensar. Estando que no fan cosa por Aragón, tanta "porfía" y tanto conbenzimiento, fan medrana. Por bella cosa estará.