Y una buena ripa más ya. En o zaguer mes d’agosto a Biquipedia ha plegau a una fita importán. 10.000 articlos. A Biquipedia ha alcanzato os 10.000 articlos o diya 21 d’agosto de 2008, con l’articlo Monesterio de San Per de Ziresa.

Ixo ha feito que en a lista sistematizata de luengas con sistemas libres de wikipedia, l’aragonés siga ya en o terzer grau que arrocla a luengas tan importans (y subenzionatas) como l’euskera, o galego, o mesmo luengas ofizials estatals como l’estonio o lo croata. Ye de dizir que ista colla de luengas ba dende as luengas con 10.000 articlos dica ixas que tiene cuasi 100.000. De feito l’aragonés ye a zaguera luenga d’ista lista, pero a chicota (pero prou boluntariosa) colla de chen que fa dentradas en a Biquipedia, fará que luego ista zifra se quede curta, y s’amane a luengas como l’ozitano (14.000), l’asturiano (11.000) o lo letón (17.000).

Ye importán tamién que o ritmo de creximién ha estau progresiu y mientres que os primers mil articlos se fazión en seis meses, os zaguers mil (de 9.000 a 10.000) s’han feito en mes y meyo, y amás, en estiu.

L’aragonés ye una luenga minorizata (asabelo de minorizata) y atamás d’ixo, ha puesto plegar a una zifra prou intresán d’articlos en a Biquipedia, con un ratio fablans/dentradas prou superior a atras luengas, como lo castellán o lo catalán. Ye un triballo quedo pero que ha feito d’a Biquipedia un d’os siñals de l’aragonés en Internet.

Copio o que diz a Biquipedia en a suya portalada, y tos conbido a fer-ne caso y fer posible que l’aragonés crexca tamién en o rete, asinas como o conoximién.

Wikipedia ye una enziclopedia libre e multilingüe. O proyeuto en idioma aragonés escomenzó lo 21 de chulio de 2004. Bi ha wikipedias en muitas atras luengas d’o mundo e belunas relazionatas con l’aragonés:

Se charras aragonés e creis que estarba bien de tener una Enziclopedia libre en a tuya luenga, alabez tú puez fer-la.
Ta más informazión, bes ta la pachina d’Aduya, e tamién ta las wikipedias en anglés u en español.

Tamién puez beyer a portalada e colaborar con Biquipedia en a tuya bariedat dialeutal:

ansotano · belsetán · benasqués · cheso · chistabín
fobano · ribagorzano · sobrarbés · tensino

Etiquetas: wikipedia, biquipedia, aragonés, 2.0, internet

Por l'aragonés ye un portal web que preba de arroclar a coleutibos dibersos en a conzenziazión y difusión d'a luenga aragonesa. O punto de prenzipie ye o Manifiesto por la Unidad de la Lengua Aragonesa d'an surtió "Chuntos por l'aragonés".

En a suya introduzión en castellán (no sé por qué) diz que:

Con la sana intención de avanzar en el reconocimiento social e institucional de la lengua y sus hablantes hemos considerado conveniente que cualquier aragonés pueda hacer público su apoyo, con libertad suficiente y partiendo del mayor consenso logrado alrededor del aragonés jamás alcanzado.

El punto de partida es el Manifiesto por la unidad de la lengua (www.chuntos.com) que, en enero de 2005, suscribieron la práctica totalidad de aquellos a quienes les importaba algo el futuro del aragonés y donde se pedía a la sociedad general aragonesa comprensión y apoyo. Arrancando de este principio y, respetando el camino emprendido desde entonces con la organización por parte de la comisión “Chuntos por l'aragonés” del II congreso de l'aragonés y la selección en éste de la Academia de l'Aragonés, se crea el presente sitio web o portal. (www. porlaragones.org)

Este portal no pretende alcanzar un apoyo inmediato de parte de la sociedad, sino ir concienciando a ésta a la vez que va acumulando progresivamente colectivos y adscripciones que les den suficiente fuerza, consiguiendo con el tiempo reflejar el apoyo social que la lengua histórica de Aragón, hoy por desgracia minorizada y poco protegida por las instituciones, tiene.

En tot caso, sobrebuena iniziatiba y entabán por o reconoximiento ta os fablans de l'aragonés en o nuestro país.

Etiquetas: aragonés, internet

Me nimbían iste correyo-e an se reproduze a nota de prensa de l'Academia de l'Aragonés en castellán:

Ola a tots,

Coma ya sabrets, isto sabte per la tardi se fará a la Casa de la Cultura de Benás la presentasión de la Academia de l'Aragonés. Tos escribo ta recordar-tos-ue, ta imbitar-tos y animar-tos a que biengats, y tamé ta nimbiar-tos el programa dan els actos d'ixe día. Amés tos achunto el cartel de la combocatoria y una carta que el presidén de la Academia, Manuel Castán, ha nimbiau per correu a casi totes les Cases de la Ball. Si querits, podets fer arribar ista informasión a tota la chen que querguets.

Moltes grasies y mos i bedem el sabte,
Daniel


Sábado, 27  septiembre 2008. 18:30 horas

Acto público de la ACADEMIA DE L’ARAGONÉS
 
PRESENTACIÓN en La BALL DE  BENÁS

(CASA DE CULTURA DE BENÁS)

1- Apertura: Salutación del Ayuntamiento de Benás, de la Comarca de Ribagorza y de la Academia de l’Aragonés
2- Presentación de la Academia de l’Aragonés: origen, fines, organización y proyectos de trabajo
3-  Proyección Audiovisual con testimonios orales grabados en aragonés de diversas zonas del Pirineo y de la Ribagorza.
4-  Turno abierto de palabras

A continuación vino aragonés ofrecido a los asistentes y

"MOSICA Y PAROLA"
Concierto didáctico en aragonés a cargo de
LA ORQUESTINA DEL FABIROL

Etiquetas: aragonés, benás, academia

L’asoziazión de mais y pais d’alumnos (AMPA) MAIS Y PAIS POR L’ARAGONÉS tos embita a partizipar en a presentazión d’una queixa o miércols día 1 d’otubre, a las 17’30 oras, en a siede d’o Chustizia, carrera Don Chuan d’Aragón 7, de Zaragoza:

·         Por a retirada d’os libros de texto que maltratan a l’aragonés

·         Por un tratamiento zientifico d’o nuestro patrimonio lingüistico: Aragón ye trilingüe, y asinas ha d’amostrar-se en as escuelas.

Clamamos a estar-ie a:

·         Asoziazions u entidaz sozials que treballan por a luenga y a cultura nuestra.

·         Personas que quieran refirmar ista queixa.

·         Mais y pais, alumnos y alumnas, profesors y profesoras.

Tos rogamos que confirmez l’asistenzia buestra en:

maisypais@yahoo.es

Agradexemos a colaborazión de toda a chen y as asoziazions que nos ez aduyau a replegar a informazión sobre os libros de texto que motiban ista queixa.

Nos i beyemos.

Etiquetas: aragonés, libros, texto, chustizia