Leigo en Franja.tk y en Aragonéame que FACAO fa un auto maitín en a siede d'o PAR. O Partiu Aragonés, sozio de Gobierno d'o PSOE, aculle una presentazión d'a FACAO en a suya siede de Zaragoza, o 8 de mayo de 2008, a las 20h.(Coso, 87, Zaragoza).

A presentazión a fará Julián Naval Fuster , militante d'o PAR. Cal remerar bellas fotos d'as autuazions d'a FACAO en Zaragoza:

Como dizen en Franja.tk

Diferents personalitats de defensa de l'aragonès i el català a Aragó han mostrat el seu interès per assistir-hi i mostrar l'absència d'arguments acadèmics, i sobretot, mostrar la perillositat de les vinculacions de la FACAO amb l'extremadreta. FACAO ha estat denunciada públicament per les seues manifestacions a Saragossa amb Democracia Nacional, per l'apologia a la violència i les campanyes d'intoxicació del seu president i pel manteniment d'ex-falangistes en les seues files.

Etiquetas: facao, català, PAR, aragonés

Mos informan en Lo Cacao de la Facao que se ha alzada a querella que Facao eba interposau en Fraga contra barias presonas. Os querellaus dizen isto:

Emos rezibiu un auto siñau por o chuzgau de Fraga, con data 8 de mayo de 2008, y que ye motiu d'una istorica notizia. Raso platero manifiesta que "Se acuerda el sobreseimiento provisional y el archivo de la presente causa".

Debán as denunzias poblicas sobre as suyas rilazions con a estrema dreita, FACAO enzetó un camin desesperau y una eslampada entabán con un prozeso chudizial ubierto. En o prozeso estioron denunziaus academicos d'a luenga aragonesa y catalana, webs d'informazión sobre o catalán en a Franja o profesors. A la querella han adibiu papers y más papers por "delitos" como amillorar testos modificables en a Wikipedia, o plegoron a traduzir a lo castellán a parola "homenots" de Josep Pla por "Gentuza". Encara ayer, cuan ya conoxian l'alzau d'a causa, tornoron a trancar os güellos y tornoron a prebar d'enzetar una nueba campaña mediatica con periodistas amigos. Podez seguir o prozeso, as imachens de refirme sozial con os denunziaus y as autibidaz ultras d'a Facao en a web http://locacaodelafacao.wordpress.com

Entabán, compañers! Semos con busatros y contra istos "homenots"

Etiquetas: aragonés, catalán, facao, franja

Ya se puede descargar o numero 3 de Papirroi, a rebista ta ninos en aragonés. Podez baxar-la dende aquí (PDF)

A rebista ye un proyeuto multilingüe que ya se fa en ozitán (Papagai), y que concara l'amostranza d'a luenga a os ninos dende l'ambiesta d'as comunidaz y culturas pirinencas.

Etiquetas: ninos, aragonés, luengas, rebista

M'entero por Aragoneame que Biel diz que a lei de luengas d'Aragón podrá creyar problemas con Cataluña. No ye garra cosa nueba sobre tot si en fer a lei de luengas fan caso a FACAO, integraus en o PAR muitos d'os suyos representans. No ye que tendrán problemas con Cataluña, tamién con a Unibersidat, con os filologos, con os fablans...en fin, con toz, menos con l'españolismo ranzio que representan.

Amás diz o Bizepresidén d'Aragón que a lei podria presentar-se dimpués de l'estiu. Fa no guaire Ramón Miranda, direutor cheneral d'Educazión, deziba encara que a lei estaria en as Cortes antis de l'estiu. O mesmo Marcelino Iglesias (asinas en castellano) deziba que en o primer año de lechislatura se aprebaría a lei de luengas. Unatra promesa incumplida. Ya fa más d'un año d'as eleuzions y queda poco ta que se faga o primer año de lechislatura, asinas que no ye probable (de feito, ye imposible) que s'aprebe a lei de luengas.

As declarazions de Biel ban una mica más entadebán. A Biel nunca no l'ha intresau l'aragonés, suposo que no tiene perras que quitar d'aquí. Puestar que siga ixo. Pero as declarazions ponen atra begada a lei de luengas fuera d'as nezesidaz d'os fablans, fuera d'o debate (si ye que cal) filolochico, y fica o tema, unatra begada, en a politica. En a zaguera lechislatura Marzelino no aprebó a lei de luengas por l'estatuto catalán (ya me dizirás). Agora son os biens de la Franja y o minitrescole ta Barzelona. Dimpués sera unatra cosa. Y tot ta aprebar una lei de luengas que naxerá muerta. Muerta porque no aclarirá cosa. Porque no obligará a cosa a dengún. Porque dixará fuera Zaragoza. Porque dixará que sigan os conzellos os que dezidan que fan. Una lei naxita muerta ta morir as luengas d'Aragón que no replecan.

Etiquetas: aragonés, catalán, biel, aragón, luengas