Conzentrazión en esfensa d'as luengas d'Aragón

Conzentrazión en esfensa de l'Aragonés y o Catalán d'Aragón

Día: 23 d'Abril
Puesto: Palazio d'o Pignatelli, por a puerta de dezaga, glorieta José Aznárez (no pas a l'Ajafería coma s'eba comentau)
Ora: 12:00
En acabar l'auto s'imbita a os asistens a acudir a o parque d'oriente, an que uns cuantos coleutibos han organizau barras y puestos informatibos.

Dende que el primé Estatuto d'Autonomía ba reconeixé l'esistenzia d'una realidat llinguistica pllural a Aragón, pasán  per las posteriors modificazions de 1996 y 2007, los ziudadans aragoneses y espezialmén los que charrán n'aragonés y catalán hen estau esperán sin resultau que la dignificazión y l'uso publlico de las nuestras llenguas tenisen un marco llegal adecuau y michos educatius y de comunicazión qu'asegurasen la suya superbibencia futura. 

Con tot ixo, entre i-yes y torna-yes, promesas y embustes, esperanzas bazías y frustrazions, los diferens gobernos que n'abiu a Aragón han optau per llimita-se a guardá las aparienzias con uns pocs gestos ta mantenir-se a la inaczión mes absoluta con cualsiquier desincusa.

Fé pollitica llinguistica significa tení el coraje d'abordá la realidá y de fe que los intereses de toz se feigan compatiblles en una sociedá uberta y tolerán, no amagase atrás de los probllemas y queda-se esperán a que se hi perda el nuestro patrimonio llinguistico ta no tení que ocupa-se d'el. Nusatr@s los ziudadans que charrán una llengua aragonesa distinta del castellán, hen de dí que din a los poders que mos gobernan que ya ñay prou, que é ora d'ocupar-se d'una begada per totas d'ista minoría que é el soporte d'un patrimonio viu d'Aragón y que mereze tení un puesto baixo'l sol. Ta bibí y sobrebibí al marco de la tolerancia y llibertá que hasta ara se mos ha negau.