Purnas ya no ye aquí. O sí que en ye, pero ya no contina crexendo aquí. Agora puez trobar o nuebo purnas en http://www.purnas.com. Tamién puez conduzir-te a os suyos contenius desde astí. Fes o fabor, os enrastres d'a tuya pachina, si ye que en tiens, enta hacia http://www.purnas.com
Se muestran los artículos pertenecientes a Septiembre de 2007.
Notizias dende Asturies, Europa Press y Ximiélgame
GUenas notizias ta unatra luenga minorizata. L'asturiano ye de noraguena. Europa Press ya ufre os suyos serbizios de notizias en asturiano. No nomás bi'n ha notizias sobre Asturies, sino que ye tot tipo de informazión a que se n'ufre en ixa luenga d'o norte d'a Peninsula Iberica. Por exemplo:
Dos de los restos de sangre recoyíos pola Policía Xudicial tienen el mesmu ADN que Madeleine
PORTIMAO (PORTUGAL), 10 de Setiembre (EUROPA PRESS/Patricia Ferro) Dos de los tres restos de sangre recoyíos pola Policía Xudicial (PX) portuguesa nel apartamentu de los McCann en Praia da Luz y nel coche alquiláu 25 díes dempués de la desapaición de Madeleine correspuéndense col ADN de la pequeña, según reconoció una fonte de la policía portuguesa a la cadena británica Sky News.
Tamién, enzetau por os mobimientos sozials asturians, ha comenzau en prebas Ximiélgame, un puesto d'ixos an la chen dezide que notizias son importans. Ellos mesmos dizen:
Ximiélgame, ye ún d'esos sitios nos que ye l'usuariu quien decide qué noticies son importantes. Dicho d'otra manera: ye lo que se diz "un sitiu de noticies qu'emplea un sistema de control editorial non xerárquicu". Pa ello utilizamos l'aplicación web Pligg derivada del perconocíu menéame que desenvolviera dende les Islles Baleares el doctor n'Informática Ricardo Galli, influyíu pela so parte, pol sitiu n'inglés digg.com.
Dos sobrebuenas notizias ta una luenga en una situazión una mica millor que ista nuestra, encara asperando a suya lei de luengas y, más alazetal encara, o suyo estandar culto.
A consellera Almunia promete Lei de Luengas ta chunio
Dimpyés d'as promesas d'o Presiden Iglesias, agora ye a consellera de Cultura, Eva Almunia qui ha feito a promesa de que a lei de luengas estará en as Cortes antis de chunio de 2008. Profés que no dizen que a lei siga aprebada. Nomás que la lebarán ta las Cortes. Dimpués debate, y aprebazión si cal.
Cal remerar que a lei que lebarán ta las Cortes ye l'abanproyeuto de lei que fa cuatro años que duerme en un calaxo de bel consellero. Un abanproyeuto que no imple as aspirazions de dengún, y que dixa sin soluzionar muitas cosas. Ye un trango, profés, pero encara no ye aprebada la lei. Dende IU ya se n'han feito güei puntualizazions sobre ixo d'as "modalidaz lingüisticas y luengas" que se'n fablan en Aragón. Profés que o PAR ya enzetó a campaña por meyo d'os suyos cochos de FACAO l'atro diya, fendo desixenzias sobre o que ye catalán, aragonés o no. Ellos, que todas istas esfensas las ne fan en perfeuto castellán.
En fin, que por l'inte cal asperar una mica más. Como siempre. Podez remerar a Marzelin as suyas promesas dende aquí en castellán , en aragonés y en catalán , por zierto ;)
Zagueras nobedaz en charrando.com
16/9/07
-Nueba rebista birtual sobre patrimonio cultural aragonés "Ambista" adibida en a sezión "Publicazions eleutronicas".
-Adibiu o gadget ta iGoogle "Palabras en Fabla Aragonesa" en a categoría "L'Aragonés: Recursos"
-Autualizada a sezión "Achenda" con informazión sobre o conzierto de zelebrazión d'o 25 Cabo d'año d'o Ligallo de Fablans y sobre cursos d'Aragonés.
A plantar fuerte,
www.Charrando.com
www.CharrandoTB.com
www.RadioCharrando.com
Semiausenzias. Cruzando o disierto a o contrario
No escribire guaire os siguiens dias. Me'n boi enta o pasau, o presén y o futuro. Tot a la begada, en un biache que cruza disiertos, tucas, rios y bella selba. Bi'n ha mar, o se.
Trobada de bloggers en aragonés
Trobada de bloggers ista tardi en Zaragoza. Dizen en a web d'a trobada :
A 1ª Trobada de fabloggers ye un auto parau ta fer onra a toz aquels que diya a diya escriben, charran y fan de l'aragonés una luenga biba en o meyo dichital. Internet ha empentau a creyazión de contenius en aragonés, y concretamen os blogs presonals s'han feito un puesto n'a nuestra bida cutiana. Grazias a isto podemos leyer articlos d'autualidat, notizias deportibas, poesia, falordietas, tot isto en cualsiquier bariedat del aragonés y mas amplamen en o clamau aragonés estándar.
Son tiempos nuebos, y cada begada a comunicazión ye millor, entre nusatros mos nimbiamos correus, charramos en o mensen"ch"er, postiamos en as rufiertas, pero ta plegar en un ochetibo común, ta refirmar a presenzia de l'aragonés en o rete, cal fer proyeutos chuntos, ista trobada antimás d'estar un reconoximiento de toda a blogosfera aragonesa, ye feita t'achuntar parixers, ideyas, y profés, ta pasar un buen ratet.
Aspero que tos i amanez toz, que traigaz los buestros amigos, parentalla etc.... A plantar firme!
Mesaches, mesachas, ya s'ha proposau un puesto:
Biernes 28 de Setiembre
La gramola
c/Concepcion Arenal 10
ZARAGOZA
Ora: 20:00 Oras.
Remerar trayer bella cosa ta reconoxernos!.
Por zierto, intresán alportazión d'o Santi de Chemecos que diz que en aragonés blog se pronunzia /blok/ y blogger 'bloguer'. O plural de blog > blogs se pronunzia /bloks/. ¡¡No lo pronunziez nunca con <>!! Pos ixo.
Mos beyemos ista tardi.
Ecsito d'a trobada de bloggers en aragonés
Como rezenta Estricalla, o primer que ha feito cronica, a trobada de fabloggers se fazió o zaguer biernes y estió tot un ecsito.
O pasau biernes 28 de setiembre se fazió a I trobada de fabloggers en o bar A gramola que contó con a presenzia de 18 personas, treballadors de l'aragonés, y a mayoría chen que desembolica parti d'a suya faina en o rete.
As personas que astí nos achuntamos nos conoixemos y charramos d'inquietuz comuns, tocans a la luenga aragonesa y d'atras custions en cheneral, presentando proposas e ideyas, y fendo fisico o contauto que durante tot iste tiempo emos iu tenendo por o rete, leyendo y escribindo.
Tamién se dizión os resultaus d'as encuestas feitas en http://trobada.blogdns.net/ an que o millor blog de calidat lingüistica estió o chemeco d'as parolas; o millor meyo de comunicazión por o rete estió charrando; a millor notizia, a creyazión de l'academia de l'aragonés y o millor blog en bariedat dialeutal, una mica de tot.
O premio a o millor blog estió ta toz por o treballo feito durante iste tiempo.
O blog mio en castellano, Purnas en o zierzo , estió premiau como Fablog d'onor. O caso ye que a conbocatoria sirbió tamién ta creyar nuebas ferramientas como iste foro http://porlaragones.mforos.com/forums/ que serbirá ta coordinar aizións en esfensa d'a luenga nuestra. Amás presonalmén creigo que a ecsperienzia sirbió ta crebar bels prechudizios, y, sobre tot, ta conoxer-nos, beyer qui somos, beyer que somos chobens y no tan chobens, y contar con a presenzia de dos academicos de l'aragonés, que mos amostroron bellas cosas que son fendo.
Bella coseta más se sabrá maitin. Por l'inte, atra cosa que se'n charró estió a traduzión d'o portal Netvibes, enzetada por yo mesmo y Dani de Cordón Trenzau , y que ya ba por o 57%. Ta rematar cuanto antis amenistamos d'aduya. Ta ixo cal que tos rechistrez en www.netvibes.com y dimpués que dentrez en iste link ta demanar a inclusión como tradutor a l'aragonés (aragonese en anglés). Dimpués dende http://translate.netvibes.com podrez traduzir frases y palabras. O sistema ye prou fázil y no cal estar guaires oras, jeje. Si tenez zinco menutez podez traduzir un par o tres de frases, y chino chano tendremos un portal bien majo en aragonés.
.