Purnas ya no ye aquí. O sí que en ye, pero ya no contina crexendo aquí. Agora puez trobar o nuebo purnas en http://www.purnas.com. Tamién puez conduzir-te a os suyos contenius desde astí. Fes o fabor, os enrastres d'a tuya pachina, si ye que en tiens, enta hacia http://www.purnas.com
Netvibes ya ye disposable en aragonés
Netvibes ye un sistema leutor de feeds. Se puede presonalizar a pachina de prenzipie ta d'una sola güellada bier as zagueras dentradas de meyos de comunicazión, blogs, serbizios d'orache, de triballo...O sistema ye en un camatón de luengas a las que s'ha adibiu en zagueras l'aragonés. Ya puez emplegar Netvibes en aragonés, con o sin rechistro. Si fas una cuenta y dentras-ie podrás adibir os tuyos leutors de feeds propios, podrás adibir o Planeta n'aragonés que aplega a muitos d'os blogs en aragonés, y podrás presonalizar toz os serbizios, pero si no dentras, tamién puez emplegar l'aragonés dentrando en "preferencias" y cambeando l'idioma ta "aragonés".
Fer a traduzión ha suposau muitas oras de triballo, y a traduzión dende l'anglés de más de 1400 cadenas de testo. Asperamos que muita chen cambee a suya luenga por defeuto en Netvibes ta que iste esfuerza no aiga estau de baldes.
Ya puez "Netvibear" en aragonés. Un trango más d'a normalizazión de l'emplego cutiano de l'aragonés en Internet. Dende Cordón Trenzau y Purnas en aragonés, ya somos parando nuebas posibilidaz que de seguras que tos farán goyo y sobre tot, aduyarán a que l'aragonés s'estendille como luenga "eleutronica" tamién.
Comentarios > Ir a formulario
Autor: Juan Pablo
Parabiens por a traduzión. Ya emplegaba netvibes y m'he cambeau a luenga por defeuto, prou que sí.
Cuan conoxié o procheuto de traduzión me rechistré como tradutor ta l'aragonés, pero ya beyié que yeraz rematando y a buen ritmo, pensé que yera millor no ficar-me por o poco que tos quedaba.
Buen treballo!
Fecha: 18/10/2007 16:55.
Autor: Chorche
Fecha: 18/10/2007 17:21.
.